Lëvizja “Shqipëria Bëhet” depoziton në Kuvend projektligjin për listat e hapura. Ja çfarë përmban draft propozimi:

Si një hap i parë drejt ndryshimit të sistemit zgjedhor, me realizimin e heqjes së rajonalizimit dhe hapjes

së listave të kandidatëve në Republikën e Shqipërisë, depozituam sot në Kuvendin e Shqipërisë

projektligjin për propozimin e ndryshimeve ligjore përkatëse.

Projektligji u adresohet 140 deputetëve të Republikës së Shqipërisë, me propozimin për ndryshimin e

sistemit zgjedhor në sistem proporcional kombëtar me lista të hapura.

Kushtetuta e Republikës së Shqipërisë, në nenin 45, pika 1, përcakton se çdo shtetas/e shqiptar/e në

moshën tetëmbëdhjetë vjeç (qoftë edhe ditën e zgjedhjeve), ka të drejtën të zgjedhë dhe të zgjidhet.

E drejta e votës, konkretisht e drejta për të zgjedhur, është një nga të drejtat themelore politike që gëzon

individi dhe ajo duhet të ketë të njëjtën peshë në të gjithë Republikën e Shqipërisë. Gjykata Kushtetuese

e Republikës së Shqipërisë, përmes Vendimit Nr. 28 datë 30.06.2021, bazuar në përcaktimet e nenit 76,

pika 5, të Ligjit Nr. 8577/2000, ka vendosur detyrimin e ligjvënësit për të plotësuar kuadrin ligjor brenda

një viti nga hyrja në fuqi e vendimit.

Në rast se ky propozim nuk do të merret parasysh, do të proçedojmë me mbledhjen e 20.000 firmave për

ta sjellë si iniciativë qytetare.

Më poshtë gjeni dhe deklaratën e bashkëthemeluesit të Lëvizjes, avokatit Ervis Çela.

“Ne paraqesim në Kuvend para të gjithë deputetëve, projektiligjin për ndryshime në kodin Zgjedhor,sa i

takon caktimit të të gjithë territorit të Shqipërisë si një zonë e vetme zgjedhore duke përcaktuar sistemin

zgjedhor propocional kombëtar, me lista të hapura, duke mundësuar kështu më në fund që të gjithë

qytetarët shqiptarë të kenë një votë të barabartë e të drejtë dhe zgjedhjen e kandidatit që ata duan, me

lista të hapura dhe jo të zgjidhen kandidatët nga zyrtarët e partive.

Në rast se nuk do të votohen këto ndryshime, ne do vazhdojmë me hapa të tjerë ligjore siç është ajo e

nismës qytetare kur ne kemi filluar procedurat për miratimin e fletës së nënshkrimeve të qytetarëve të

cilët me anë të kësaj flete do të paraqesin vullnetin e tyre për të paraqitur në Kuvend nismën ligjore sa i

përket ndryshimeve në Kodin Zgjedhor si sa i përket votës së diasporës ashtu edhe sistemeveme lista të

hapura. Nëse kjo prape nuk do zbatohet do eskalojë ne veprime të tjera ligjore dhe qytetare’

‍