Edhe Fieri i thotë PO SHQIPËRIA BËHET

Një tjetër qytet mikpriti me entuziazëm ekipin e Shqipëria Bëhet. Folësit e ekipit nxorën në pah problematikat e shumta që po kalon shoqëria shqiptare dhe theksuan nevojën për një ndryshim të thellë në politikë, ekonomi dhe kulturë.

Fjalimi i Fjoralba Dervishit
Takimi nisi me fjalën e Fjoralba Dervishit, stomatologe dhe anëtare e partisë, e cila theksoi se në Shqipëri nuk është e lehtë të mendosh dhe të shprehesh ndryshe, edhe pas 34 vitesh që nga rënia e komunizmit. Ajo përmendi disa nga problemet më të mëdha që shqetësojnë shoqërinë shqiptare, si mungesa e ilaçeve, gjaku i munguar për talasemikët, problemet me pensionet dhe pasivitetin e administratës ndaj qytetarëve, sidomos ndaj pensionistëve dhe mësuesve, të cilët shpeshherë detyrohen të kërkojnë vota për të siguruar mbështetje. Fjalimi i saj theksoi se ajo po angazhohej në një rrugë të vështirë, por të drejtë, për të sjellë ndryshim.

Nga ana tjetër, Inxhinieri Erion Muska shprehu shqetësimin e tij për gjendjen e qytetit të Fierit dhe të rinjtë që po largohen nga Shqipëria për një të ardhme më të mirë jashtë vendit. Ai theksoi kontradiktat që ekzistojnë në qytet, ku ndërkohë që ndriçohen dhe restaurohen fasadat, rinia largohet, duke lënë pas një qytet bosh. Muska kritikoi politikën e vjetër që sipas tij ka sjellë korrupsion, shpopullim dhe varfëri. Ai ftoi të rinjtë të bashkohen dhe të kontribuojnë për një Shqipëri që ka nevojë për ndryshim, të cilën ai e sheh të mundur vetëm përmes bashkimit të popullit.

Avokatja Greta Ambeli fol për përvojën e saj personale si një profesioniste e re dhe nënë e tre fëmijëve. Ajo u ndal tel mungesa e mundësive për të rinjtë në Shqipëri dhe theksoi se ky ishte një nga arsyet që e shtyu të bashkohej me Partinë “Shqipëria Bëhet”. Greta theksoi se ajo nuk dëshironte të ishte indiferente ndaj mungesës së përfshirjes për fëmijët dhe të rinjtë, dhe se partia e saj synon të krijojë mundësi për të rinjtë nëpërmjet edukimit, meritokracisë dhe rritjes së mundësive për punësim.

Avokati dhe profesori Ervis Cela foli për një nismë të rëndësishme që ka realizuar Partia “Shqipëria Bëhet”, siç është e drejta e votës për Diasporën. Ai e konsideroi këtë një fitore të madhe për të gjithë shqiptarët që jetojnë jashtë vendit dhe që nuk kishin mundësinë të shprehnin mendimin e tyre në zgjedhje. Përveç kësaj, ai ndali vëmendjen tek mungesa e mundësive për të rinjtë, sidomos pas diplomimit, dhe propozoi lidhjen e kontratave paraprake të punës për të rinjtë në administratën shtetërore dhe sektorin privat, për të siguruar mundësi pune dhe eksperiencë.

‍

Avokatja Dorina Prethi ftoi gjithashtu për një ndryshim të thellë në politikat sociale, duke përmendur emigrimin e të rinjve dhe vështirësitë me të cilat përballen të moshuarit. Ajo theksoi se një ndër prioritetet e partisë ishte sigurimi i një pensioni të dinjitetshëm për të gjithë qytetarët, si dhe ndihma për bujqësinë dhe blegtorinë, të cilat po hasin vështirësi për shkak të mungesës

Ndërsa inxhinieri elektrik Azmer Dulevic përmendi vështirësitë që hasin fermerët, për të cilët çmimi i produkteve të tyre, si qumështi, është shumë i ulët, ndërkohë që çmimi përfundimtar i produktit për konsumatorët është shumë i lartë. Ai kritikoi mungesën e subvencioneve për fermerët dhe politikat që favorizojnë pasurinë e disa grupeve të interesit, ndërsa përkeqësojnë kushtet për ata që punojnë në fushën e bujqësisë. Dulevic solli një krahasim me Kosovën, ku çmimet e energjisë dhe karburanteve janë më të ulëta se në Shqipëri.

Kryetari i Partisë “Shqipëria Bëhet”, Adriatik Lapaj, mbylli fjalimet me një mesazh të fuqishëm për ndryshimin që kërkohet në Shqipëri. Ai e quajti Fierin si një qytet të pasur me idealistë dhe e shprehu keqardhjen për emigrimin masiv të të rinjve. Lapaj theksoi rëndësinë e demokracisë dhe depolitizimit të administratës zgjedhore, duke kërkuar ligje që i japin mundësi qytetarëve të vendosin përmes referendumit. Ai i ftoi të gjithë të bashkohen për një Shqipëri që e meritojnë, duke theksuar se ndryshimi është i mundur vetëm përmes veprimit të bashkuar të popullit.

Kontribuo për qëllimin e përbashkët: https://www.shqiperiabehet.al/kontribuo

Shikoni galerine e fotove:

‍